उल काडिङ मेशिन प्रयोगविहिन

घरेलु तथा साना उद्योग बिकास कार्यालय दार्चुलाले दुई दशक अघि खरिद गरेको उल काडिङ मेसिन प्रयोगविहिन बनेको छ । २०५३ सालमा भारतको रुदिआनाबाट झण्डै ५० लाख रुपैयाँ लागतमा खरिद गरिएको मेसिन प्रयोगविहिन बनेको हो ।
मेसिन सञ्चालनको लागि पहल नहुँदा वर्षौदेखि मेसिन कार्यालयको गोदामै थन्किएको कार्यालय प्रमुख गंगा मगरले बताउनुभयो । नेपालसंगै भारत र चिनको समेत कच्चा पदार्थ ल्याएर दैनिक ७० किलोग्रामसम्म उन प्रसोधन गर्ने मेसिन अहिले मर्मत सम्भारमा ध्यान नदिदा थन्किएको छ । 
काडिङ मेसिन सञ्चालनको लागि सरकारले बजेट विनियोजन गरिएको छैन् । जिल्लामा उत्पादन हुने कच्चा सामाग्री संकलन गरेर मेसिन प्रयोगमा ल्याउन सके स्थानीयको रोजगारी समेत सिर्जना गर्न सकिने मगरको भनाई छ ।
जिल्लामा उन, अल्लो लगायतका कच्चा पदार्थ भएपनि उद्योग स्थापना नहुँदा संकलन हुन नसकेको कार्यालयले जनाएको छ ।