२०८१ श्रावण, ७ सोमबार

संकटमा पाल्पाका ढाका उद्योग

पछिल्लो समय पाल्पामा ढाका उत्पादन व्यवसाय धरापमा परेको छ । तानबाट उत्पादन गरिएका असली ढाका खरिदका लागि आन्तरिक मात्र नभई विदेशी पर्यटकको समेत आकर्षण रहेका बखत बाहिरबाट मेसिनमा उत्पादित ढाका जिल्लामा भित्रिन थालेपछि  ढाका व्यवसाय संकटमा परेको सम्बद्ध व्यवसायीहरू बताउँछन् ।

जिल्ला घुम्न आउने आन्तरिक तथा बाह्य पर्यटकले  पाल्पामा उत्पादन हुने ढाकाका सामग्री उपहारका रूपमा लैजाने गर्छन् । कुनै समय पाल्पामा ३५/४० वटा ढाका उद्योग सञ्चालनमा थिए । अहिले  आठ/नाैवटा मात्र ढाका उद्योग सञ्चालनमा छन् । त्यसमा करिब २ सय ५० जनाले मात्र रोजगार पाएका छन् ।

हाते तानबाट उत्पादन गरिने ढाका गुणस्तरका हिसाबले राम्रो मान्ने गरिन्छ । बाहिरबाट तयारी ढाका जिल्लामा आउन थालेपछि पाल्पाली ढाका उद्योग संकटमा पर्दै गएका हुन् ।

पाल्पा जिल्लाको राम्रो पहिचान बोकेको ढाका हिजोआज उत्पादन कम हुँदा उद्योग नै संकटमा पर्न थालेपछि रोजगारी नै बन्द हुनेमा धेरैको चिन्ता छ भने अर्कोतर्फ जिल्लाकै पहिचान मेटिने चिन्ताले पिरोलेको छ ।

पाल्पा घुम्न आउने आन्तरिक तथा बाह्य पर्यटकले कोशेली तथा मायाको चिनोका रूपमा ढाका कपडा, ढाका कपडाबाट उत्पादित सामग्री झोला, हाते पर्स, पछ्यौरा, इस्टकोट, टोपी लैजाने चलन छ । रासस

प्रकाशित मिति: सोमबार पौष २१, २०७६/Monday 01-06-2020

तपाईको प्रतिक्रिया

सम्बन्धित खबर

सबै