जेएनयूमा नकावधारीको हमला, दिल्ली र मुम्बईसहित विभिन्न स्थानमा प्रदर्शन Sarathikhabar भारतको राजधानी नयाँ दिल्लीस्थित जवाहरलाल नेहरु विश्वविद्यालयमा नकावधारीले गरेको आक्रमणको विरोधमा नयाँ दिल्ली र मुम्बईसहित भारतका विभिन्न स्थानमा विरोध प्रदर्शन भएको छ । विश्वविद्यालय प्रशासनले आइतबार बेलुका क्याम्पस तथा पुस्तकालयमा भएको आक्रमणको कडा शब्दमा निन्दा गरेको छ । जेएनयूका रजिस्ट्रारले वक्तव्य जारी गर्दै घटनाको विरोध गरेका हुन् । घटना के हो ? १ जनवरीदेखि विश्वविद्यालयमा शीतकालीन सत्र सुरु भएर विद्यार्थीको रजिस्ट्रेसन भइरहेको थियो । ३ जनवरीमा रजिस्ट्रेसनको विरोध गरिरहेको एक समूहले कम्युनिकेसन एण्ड इन्फर्मेसन सर्भिसेज परिसरमा आएर इन्टरनेट सर्वर काम नगर्ने बनाएको थियो । त्यसका विरुद्ध प्रहरीमा उजुरीसमेत गरियो । त्यसपछि ४ जनवरीदेखि पुनः रजिस्ट्रेसन सुरु भएको थियो । तर विद्यार्थीहरुको एक समूहले इन्टरनेटसँगै विद्युत आपूर्ति पनि बन्द गर्नुका साथै केही भवनसमेत बन्द गराए । ५ जनवरीमा रजिस्ट्रेसन गराएका विद्यार्थीहरू क्याम्पस भवन जाँदा उनीहरूलाई रोकियो । आइतबार रजिस्ट्रेशनको विरोध गरिरहेका तथा रजिस्ट्रेशन गराएका विद्यार्थीबीच क्याम्पससँगै रहेको होस्टेल परिसरमा हात हालाहाल भएको थियो । बेलुका साढे ४ बजे रजिस्ट्रेसनको विरोध गरिरहेका विद्यार्थीहरूले रजिस्ट्रेसन गराइरहेका विद्यार्थीहरूमाथि कुटपिट गरेको क्याम्पस प्रशासनले जनाएको छ । त्यसपछि नकाव लगाएका व्यक्तिहरूको समूहले होस्टेलका कोठामा पसेर विद्यार्थीहरूलाई लाठी तथा रडले आक्रमण गरेको विज्ञप्तिमा उल्लेख गरिएको छ । नकाव लगाएर आक्रमण गर्नेहरू भारतको सत्तारुढ भारतीय जनता पार्टीको राष्ट्रिय स्वयंसेवक संघअन्तर्गतको विद्यार्थी संगठन अखिल भारतीय विद्यार्थी परिषद (एबीभीपी) का सदस्य रहेको भारतीय सञ्चारमाध्यमको भनाइ छ । आक्रमणमा जेएनयू छात्र संघका अध्यक्षसमेत घाइते भएका छन् । करिब ५० जनाको संख्यामा आएका नकावधारी एबीभीपीका सदस्यहरूले उनीहरूमाथि आक्रमण गरेको बताइएको छ । घटनाको विरोधमा जेएनयूको मूल गेट तथा दिल्ली पुलिसको हेडक्वार्टरको बाहिर प्रदर्शन भएको छ । जेएनयूमा भएको घटनाको विरोधमा मुम्बईमा समेत विरोध प्रदर्शन भएको छ । गेटवे अफ इन्डियाको बाहिरसमेत विभिन्न क्याम्पसका विद्यार्थीहरूले विरोध प्रदर्शन गरेका छन् । दिल्ली प्रहरीको हेडक्वार्टर बाहिर भएको विरोध प्रदर्शनका क्रममा विद्यार्थी तथा प्राध्यापकको एक समूहले प्रहरी प्रवक्ता एमएस रंधावासँग भेट गरेर घाइते विद्यार्थीको उपचार गरिनुपर्ने, आक्रमणकारीलाई पक्राउ गरिनुपर्ने र विश्वविद्यालयलाई सामान्य अवस्थामा फर्काइनुपर्ने मागसमेत राखेका छन् । जेएनयूमा भएको घटनाको भारतीय कांग्रेसका नेता राहुल गान्धीसहितका नेताले समेत निन्दा गरेका छन् । प्रकाशित मिति: सोमबार पौष २१, २०७६/Monday 01-06-2020 तपाईको प्रतिक्रिया सम्बन्धित खबर सबै ट्रम्पको टाउकाेको मूल्य ९ अर्ब ! सन् २०२० का सम्भावित केही विश्व घटना कति शक्तिशाली छ इरान ? आठ हजारको खाना खाएर वेटरलाई २ लाख २४ हजार टिप्स ! पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा जिल्ला अस्पताल दार्चुलाका डाक्टर लिम्बुको विदाई प्रिन्स ब्याडमिन्टनबाट ओलम्पिक खेल्ने पहिलो नेपाली खेलाडी बन्दै विश्वासको मतपछि माओवादी सुदूरपश्चिम सरकारमा सहभागि हुने दार्चुलाको तिंकर नाका अझै खुलेन अत्तर लण्डनैको गीत सार्वजनिक