तीन करोड ३७ लाखमा निर्माण गरिएको विद्यालय भवनको उद्घाटन सारथी खबर ‘नेपाल–भारत विकास सहकार्य’ अन्तर्गत तीन करोड ३७ लाखमा निर्माण गरिएको दुहुँ गाउँपालिकास्थित जनविकास माविको विद्यालय भवनको उद्घाटन गरिएको छ । विद्यालय भवनको दुहुँ गाउँपालिकाका अध्यक्ष नरेन्द्रबहादुर सिंह बडाल र भारतीय राजदूतावासका द्वितीय सचिव प्रशान्तकुमार सोनाले संयुक्त रुपमा उद्घाटन गरेका हुन् । यस्तै भारत सरकारको दुई करोड ८२ लाख आर्थिक सहयोगमा निर्माण हुने दार्चुलाको व्याँस गाउँपालिका–६ स्थित हिमालय माध्यमिक विद्यालयको भवन शिलान्यास गरिएको छ । व्याँस गाउँपालिकाका अध्यक्ष मंगलसिंह धामी र भारतीय राजदूतावास, काठमाडौंका द्वितीय सचिवसोनाले संयुक्त रुपमा भवनको शिलान्यास गरेका हुन् । ‘नेपाल–भारत विकास सहकार्य’ अन्तर्गतको भारत सरकारको अनुदान सहयोगले व्याँस गाउँपालिकाको हिमालय माविलाई दुई तले विद्यालय भवन, शौचालय, पर्खाल र प्रवेशद्वार निर्माण गरिनेछ । भारत र नेपाल सरकारबीच भएको सम्झौताअन्तर्गत यी दुवै परियोजनालाई उच्च प्रभाव सामुदायिक विकास परियोजनाका रुपमा अघि बढाइएको हो । हिमालय माविका लागि परियोजनाको कार्यान्वयन व्याँस गाउँपालिकामार्फत गरिनेछ भने जनविकास माविका परियोजना कार्यान्वयन दुहूँ गाउँपालिकामार्फत गरिनेछ । व्याँस गाउँपालिका र दुहूँ गाउँपालिकाका अध्यक्षले भारत सरकारको सहयोगको प्रशंसा गरेका छन् । दार्चुलास्थित हिमालय मावि र जनविकास माविमा अध्ययनरत विद्यार्थीका लागि गुणस्तरीय शिक्षा प्रदान गर्न विद्यालयका नयाँ भवन उपयोगी हुने उनीहरुले बताएका छन् । सन् २००३ यता भारत सरकारले नेपालका विभिन्न क्षेत्रमा पाँच सय ५१ वटा उच्च प्रभाव सामुदायिक विकास परियोजना अघि बढाएको छ । चार सय ८९ वटा परियोजना सम्पन्न गरिसकेको छ । यीमध्ये सुदूरपश्चिम प्रदेशमा ४० वटा परियोजना छन्, जसमा १० वटा परियोजना दार्चुलामा छन् । प्रकाशित मिति: शनिबार बैशाख ८, २०८१/Saturday 04-20-2024 तपाईको प्रतिक्रिया सम्बन्धित खबर सबै पूर्वधार विकास समिति सभापतिको निर्देशन : व्याँसका नागरिकको लागि बाटो बनाऔं शिक्षककाे लागि विज्ञापन खुल्याे कक्षा १२ को परीक्षा आजदेखि विपिनको रिहाइका लागि पहल गरिदिन परिवारको आग्रह शैल्यशिखरमा विद्यालय भवनको शिलान्यास शिक्षक कर्मचारी र व्यवस्थापन समितिका सदस्यका छोराछोरी सामुदायिक विद्यालयमा पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा एमालेका जिल्लाभरी प्रशिक्षक शिक्षककाे लागि विज्ञापन खुल्याे यार्सागुम्बा संकलनको तयारी : जेठ दोसो साताबाट अनुमति बझाङ प्रदेशसभामा एमालेका दमन भण्डारी विजयी पूर्वधार विकास समिति सभापतिको निर्देशन : व्याँसका नागरिकको लागि बाटो बनाऔं