भारतीय बाटो हुँदै सौका समुदायको कुञ्चा खलंगा पुग्यो सारथी खबर व्याँसमा चिसोसँगै हिमपात हुन थालेपछि दार्चुलाका व्यासी सौका समुदाय बसाई सर्दै खलंगा पुगेका छन् । गत वैशाखमा खलंगाको गर्मी छल्न व्याँस गाउँपालिका–१ तिंकर उक्लिएका उनीहरु चिसोबढेसँगै खलंगा पुगेका हुन् । सदरमुकाम खलंगास्थित नेपाल भारत जोड्ने झोलुङ्गे पुल भएर सौका समुदायको पहिलो टोली सदरमुकाम खलंगा पुगेको छ । ‘कुञ्चा’ भनेको व्यासी सौका समुदायको भाषामा बसाइ सर्नु भनिन्छ । व्यासको थातथलोबाट बेसी सदरमुकाम खलंगा पुग्ने उनीहरूका लागि बाटोकै समस्या छ । हिमाली गाउँमा चिसो मौसममा बस्न नसकिने हुनाले यहाँका स्थानीय परम्परादेखि नै हिउँदका ६ महिना बेसी झर्ने गर्छन् । छ महिना खलंगा र छ महिना हिमालमा उनीहरुको बसाई बस्छ । व्यासीहरु भारत पिथौरागढ अन्तर्गत धारचुला–कालापानी लिपुलेक सडक खण्ड हुँदै खलंगा फर्किएका छन् । व्यासस्थित नेपाल–भारत जोड्ने सीतापुल भएर उनीहरु पाँच दिनपछि खलंगा पुगेको स्थानीय दानसिह तिंकरीले बताए । हिमाली क्षेत्रका याक, झुपू र गाईबस्तु सहित उनीहरुको बसाई सरेको हो । सदरमुकाम खलंगाबाट २८ कोष उत्तरमा पर्छ तिंकर गाउँ । नेपाततर्फ बाटोघाटो नहँुदा भारतीय बाटो प्रयोग गर्नुपर्ने बाध्यता रहेको छ । नेपालतर्पm पैदल घोरेटो बाटोसमेत छैन् । ‘व्यासीहरुको राज्यसँगै एउटै माग छ,’ तिंकरीले भने, ‘हामीलाई आफ्नै भूमिबाट आउजाउ गर्न घोरटो बाटो राम्रो चाहियो ।’ सरकारले घोरेटो बाटो पनि बनाउन नसक्दा आफ्नै भूमिजान भारतीय निर्भरता रह्यो । ‘भारतको बाटोबाट कुञ्चा सार्न धेरै समस्या छ’ उनले थपे, ‘गाईबस्तुको क्वारेनटाईन चेक गर्नुपर्छ, ठाउ–ठाउमा भारतीय सुरक्षाकर्मीको दुव्र्यवहार छदैछ । तिंकरबाट पाँच दिन पशुचौपायालाई हिडाएर खलंगा आइतबार बिहान ‘कुञ्चा’ पुगेको छ । केही गाउँको कुञ्चा बाटोमै छ । एक दुई दिनभित्र खलंगा पुग्छन् । छाङ्गरु तिंकरको उच्च भेगहरुमा हिमपात हुन थालेपछि बस्न सकिएन् । खेतीपाती लगाएर अहिले उनीहरु खलंगा झरेका छन् । वर्षमा एउटामात्रै खेती हुने ब्याँसमा स्थानीयले उवा र नप्पल लगायतका अन्नबाली लगाउछन् । उनीहरु वैशाखमा फेरि अन्नपात भित्र्याउन व्याँस उक्लिने गर्छन् । छाङ्गरुको ‘कुञ्चा’ भने एक हप्तापछि खलंगा झर्ने तयारीमा रहेको व्याँस गाउँपालिका–१ का वडा सचिव विनोदसिह बुढाथोकीले जानकारी दिए । सरकारले नेपालतर्फबाटो बाटो नबनाउँदा व्यासीहरुले भारतीय प्रशासनको अनुमतिमा मात्रै आउजाउत गर्न पाउँछन् । व्यासका स्थानीयले हरेक वर्ष सरकारसँग आफ्नै भूमिभएर बाटो माग्दा पनि नेपालबाटै छाङ्गरु तिंकरसम्म घोरेटो बाटो बनाउन सकेको छैन् । नेपालतर्फ सडक निर्माण कार्य पनि बजेट अभावमा गति लिएको छैन् । व्याँसको छाङगरुभन्दा तलको बाटोको त सोच्ने नसकिने अवस्था छ । स्वदेशको बाटो नहुँदा यसपालि पनि ‘कुञ्चा’ भारतबाट नै ल्याउनुपर्ने अवस्था रहेको योगेश बोहरा बताउँछन् । बाटोको समस्याबारे सबै सरकारवालालाई जानकारी भए पनि समाधानतर्फ गएको देखिँदैन । पछिल्ला तीन तहका सरकारको टालटुले नीति र नेता कार्यकर्ता पोस्ने बजेट विनियोजन हुने हुँदा व्यासीले कुञ्चा सर्ने बेलामा सास्ती खेप्नुपरेको उनको भनाई छ । जेठ÷असारमा बजेट सक्न टालटुले रूपमा गरिएको मर्मत कार्य महाकालीले बगाउँदा मानिसलाई हिँड्न मिल्ने बाटो नभएको स्थानीय बताउँछन् । भारत र चीनसँग सीमा जोडिने व्याँस गाउँपालिका–१ का स्थानीयले यो वर्ष चीनसँगको तिंकर नाका खोल्न पटकपटक माग गरेपनि नाका खुल्न सकेन् । प्रकाशित मिति: आइतबार कार्तिक २६, २०८०/Sunday 11-12-2023 तपाईको प्रतिक्रिया सम्बन्धित खबर सबै यार्सागुम्बा संकलनको तयारी : जेठ दोसो साताबाट अनुमति चीन प्रवेशको लागि अनुमति पत्र वितरण सुरु उपकरण मर्मत नहुँदा गोकुलेश्वर अस्पतालमा उपचारमा समस्या बन्दै जीर्ण भवनमुनि भविष्य खोल्दै कलिला बालबालिका होलि खेलेर संकलन भएको पैसा वालिकाको उपचारमा दार्चुलामा आत्महत्या गर्नेमा बालबालिकाको संख्या बढ्दो पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा उपकरण मर्मत नहुँदा गोकुलेश्वर अस्पतालमा उपचारमा समस्या बन्दै चीन प्रवेशको लागि अनुमति पत्र वितरण सुरु कक्षा १२ को परीक्षा आजदेखि शिक्षककाे लागि विज्ञापन खुल्याे यार्सागुम्बा संकलनको तयारी : जेठ दोसो साताबाट अनुमति