चीन प्रवेशको लागि अनुमति पत्र वितरण सुरु सारथी खबर चीनको सीमा क्षेत्र प्रवेशका लागि दार्चुलामा अनुमति पत्र वितरण सुरु गरिएको छ । जिल्ला प्रशासन कार्यालय दार्चुलाले चीन प्रवेशका लागि अनुमति पत्र ‘पास’ वितरण सुरु गरेको हो । कोरोना समयदेखि बन्द रहेको नेपाल–चीन सीमा नाका तिंकर हुँदै ताक्लाकोट प्रवेशको लागि पास वितरण सुरु भएको छ । दार्चुलाका राजनीतिक दल र व्याँसका स्थानीयको लामो प्रयासपछि पहिलोपटक पास वितरण सुरु भएको हो । प्रमुख जिल्ला अधिकारी यज्ञराज जोशीले बिहीबार २ जनालाई प्रवेश अनुमति पत्र वितरण गरिएको जानकारी दिए । ‘चीन प्रवेश अनुमति पत्र वितरण सुरु गरेका छौ,’ प्रजिअ जोशीले भने, औपचारिक रुपमा नाका खुलेको छैन, तर, दुई देशबीच केहि समझदारी भएकाले प्रवेश पत्र जारी गरेका हौं । गृह मन्त्रालयले पठाएको डिजाइनअनुसार जिल्लामै कार्ड छपाइ गरेर वितरण थालिएको छ । नेपाल–चीन सीमा क्षेत्रका बासिन्दा र नेपाली नागरिकताको प्रमाणपत्र भएका व्यक्तिले पास पाउनेछन् । प्रमुख जिल्ला अधिकारी जोशीका अनुसार व्यापारका लागि तिब्बत जान ७९ जनाले सिफारिस लिएका छन् । ढिलै भएपनि परराष्ट्र मन्त्रालयले जिल्ला प्रशासन कार्यालय दार्चुलालाई पत्रचार गरेपछि प्रवेशको लागि पास उपलब्ध भएको व्याँस गाउँपालिका–१ का स्थानीय योगेश बोहराले बताए । उनले भने, लामो संघर्षपछि बल्ल पास पाएका छौं । दुवै देशको सहजीकरणको आधारमा अब ताक्लाकोट गएर व्यापार गर्ने बाटो खुला भएको छ । ताक्लाकोटमा मात्रै दार्चुलाका व्यासीहरुको झण्डै तीन दर्जन बढि पसलहरु रहेका छन् । प्रकाशित मिति: शुक्रबार बैशाख १४, २०८१/Friday 04-26-2024 तपाईको प्रतिक्रिया सम्बन्धित खबर सबै यार्सागुम्बा संकलनको तयारी : जेठ दोसो साताबाट अनुमति उपकरण मर्मत नहुँदा गोकुलेश्वर अस्पतालमा उपचारमा समस्या बन्दै जीर्ण भवनमुनि भविष्य खोल्दै कलिला बालबालिका होलि खेलेर संकलन भएको पैसा वालिकाको उपचारमा दार्चुलामा आत्महत्या गर्नेमा बालबालिकाको संख्या बढ्दो दार्चुलाबाट तिब्बत जोड्ने सडक पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा विश्वासको मत पाउन मुख्यमन्त्री सोडारीको सकस सुदूरपश्चिममा एमालेले तत्कालै दीर्घ सोडारीलाई विश्वासको मत नदिने एमाले वडा अधिवेशन