एमालेबाट निर्वाचित जनप्रतिनिधिका छोराछोरी सामुदायिक विद्यालयमा भर्ना गर्न अनेरास्ववियुको माग

एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले शिक्षामा सुधारको लागि तीन बुदे माग अघि सारेको छ । अनेरास्ववियुले नेकपा एमाले अध्यक्ष ज्ञानेन्द्र घर्तीलाई तीन बुदे मागसहित ज्ञापन समेत बुझाएका छन् । 
दार्चुलाका स्थानीय तहका जनप्रतिनिधिको दुई वर्षे कार्यकालको समिक्षासंगैँ आगामी तीन वर्षे कार्ययोजना तयार गर्नुपर्ने सुझाव अनेरास्ववियुले राखेको छ ।  अनेरास्ववियुले नेकपा एमालेबाट निर्वाचित जनप्रतिनिधि, नेता कार्यकर्ता, जनवर्गीय संगठनमा आबद्ध पदाधिकारी तथा सदस्यका छोराछोरी अनिवार्य रुपमा सामुदायिक विद्यालयमा भर्ना गर्न सर्कुलर जारी गर्न ज्ञापनपत्रमा माग गरेको छ ।
यस्तै एमालेको अगुवाईमा जिल्लास्तरीय सर्वपक्षीय अन्तरक्रिया तथा सार्वजनिक बहस संचालन गरि शैक्षिक सुधारको आगामि १० वर्षे रणनीतिक योजना तयार गर्दै स्थानीय तहमा लागू गरिनुपर्ने ज्ञापन पत्रमा भनिएको छ ।