दार्चुलामा थप ७ जनामा कोरोना संक्रमण पुष्टि

दार्चुलामा पछिल्लो २४ घण्टामा थप ७ जनामा कोरोना भाइरस संक्रमण पुष्टि भएको छ । स्वास्थ्य कार्यालय दार्चुलाका सीआइसिटी सहजकर्ता सुरज सुजन बोहराका अनुसार शुक्रबार १७ जनामा गरिएको एन्टिजेन परीक्षणमा थप ७ जनामा संक्रमण पुष्टि भएको हो ।
संक्रमण पुष्टि हुनेमा मार्मा गाउँपालिकाका ५ जना, जिल्ला अस्पताल दार्चुलामा १ जना तथा पुलघाट नाकामा १ जनामा कोरोना संक्रमण पुष्टि भएको  छ।
यो सँगै जिल्लामा कोरोना संक्रमितको संख्या ३ सय २३ पुगेको छ । मृत्यु हुनेको संख्या ६ पुगेको छ । जिल्लामा २९ जनाले कोरोना जितेको स्वास्थ्य कार्यालय दार्चुलाले जनाएको छ ।
हाल जिल्ला अस्पताल दार्चुलामा १० जना कोरोना संक्रमतिको उपचार भइरहेको छ यस्तै गोकुलेश्वर अस्पतालमा १ जना गरी ११ जना मात्रै संस्थागत आइसोलसनमा सबेको बताइएको  छ । अन्य ३१२ जना होमआइसोलसनमा रहेको स्वास्थ्य कार्यालय दार्चुलाले जनाएको छ ।