दुर्घटना न्युनिकरणका लागि प्रहरीले संचालन गर्याे “ट्रयाक्टर बहस” कार्यक्रम

 जिल्ला प्रहरी कार्यालय दार्चुलाले दुर्घटना न्युनिकरणका लागि ट्याक्टर बहस कार्यक्रमकाे सुरू गरेकाे छ । सुदूरपश्चिम प्रदेश प्रहरी कार्यालय धनगढी कैलालीद्धारा दुर्घटना न्युनिकरण तथा ट्राफिक सचेतनाको लागि संचालित नव प्रर्वतनिय कार्य अन्तर्गत याे कार्यक्रम सुरू भएकाे हाे । 

आज (बिहिवार) दार्चुला शैल्यशिखर- ९, गोकुलेश्वरमा जिल्लामा ट्याक्टर व्यवसायी गरिरहेका ट्याक्टर धनी र चालकहरूकाे उपस्थितिमा कार्यक्रम संचालन गरेकाे छ । गाेकुलेश्वरमा रहेकाे देबु होटल एण्ड रेष्टुरेन्टको सभाहलमा भएकाे कार्यक्रममा जिल्ला प्रहरी कार्यालय दार्चुला प्रमुख प्रहरी नायव उपरीक्षक प्रकाश दाहालले दुर्घटनाबाट जाेगिन अपनाउनु पर्ने सतर्कताका बारेमा ट्याक्टर धनी र चालकलाई प्रशिक्षणात्मक जानकारी दिएका जिप्रकाले जनाएकाे छ ।

प्रहरी प्रमुख प्रकाश दहालकाे अध्यक्षतामा भएकाे कार्यक्रममा शेैल्यशिखर नगरपालिकाका नगर प्रमुख विजय सिंह धामीको प्रमुख आतिथ्यता रहेकाे थियाे । नयाँ नाम दिएर सडक दुर्घटना न्युनिकरण गर्न लागिएकाे कार्यक्रममा जनप्रतिनिधि, ट्रयाक्टर चालकहरु र ट्रयाक्टर धनीहरु लगायत अन्य सर्वसाधारण गरी ७४ जनाको उपस्थितमा रहेकाे थियाे । 

सडक दुर्घटनाबाट बच्नकाे लागि सचेतना जगाउने कार्यक्रम निरन्तर गरिने जिप्रका दार्चुलाले जनाएकाे छ ।