दार्चुलामा ७५ जनाले गराए परिवार नियोजन

दार्चुलामा संचालन भएको निःशुल्क परिवार नियोजन शिविरमा ७५ जनाले परिवार नियोजन गराएका छन् । दार्चुलाका ६ वटा स्थानीय तहमा सञ्चालन भएको परिवार नियोजन शिविरबाट सेवा लिएका हुन् । 
शिविरबाट ५७ जना महिला र १८ जना पुरुषले बनध्याकरण गरेका छन् । फागुन १८ गतेदेखि सुरु भएको सिविर २५ गते सम्पन्न भएको स्वास्थ्य कार्यालय दार्चुलाका प्रमुख विरेन्द्र प्रसाद भट्टले जानकारी दिनुभयो ।
स्वास्थ्य कार्यालयले दिएको जानकारी अनुसार फागुन १८ गते मार्मा गाउँपालिकाको लटिनाथ स्वास्थ्य चौकीमा सञ्चालन भएको शिविरबाट २ जना पुरुष र ३ जना महिला गरी ५ जनाले सेवा लिएका छन् । सिविरको दोस्रो दिन १९ गते नौगाड गाउँपालिकाको नौगाड आधारभूत अस्पतालको शिविरबाट ५ जना पुरुष र ६ जना महिला गरी ११ जना, २० गते शैल्यशिखर नगरपालिकाको गोकुलेश्वरमा भएको शिविरबाट ४ जना पुरुष र ९ जना महिला गरि १३ जनाले सेवा लिएका हुन् । फागुन २२ गते मालिकार्जुन गाउँपालिकाको पस्ती आधारभुत अस्पतालमा आयोजित  शिविरबाट १७ जना महिला, २३ गते ब्याँस गाउँपालिकाको हुती स्वास्थ्य चौकीबाट ६ जना पुरुष र ११ जना महिला गरी १७ जना र सिविरको अन्तिम दिन फागुन २५ गते जिल्ला अस्पताल दार्चुलामा सम्पन्न शिविरबाट १ जना पुरुष र १३ जना महिला गरी १४ जनाले सेवा लिएका छन् ।
स्वास्थ कार्यालय दार्चुलाको आयोजना तथा नेपाल परिवार नियोजन सघं बैतडी शाखाको सहकार्यमा जिल्लाका ६ वटा स्थानीय तहमा शिविर संचालन भएको हो ।