मालिकार्जुन गाउँपालिकाले क्षयरोगको जोखिम रहेका विरामीको पहिचान गर्ने 

दार्चुलाको मालिकार्जुन गाउँपालिकाले क्षयरोग सम्भावित लक्षण चिन्हभएका विरामीहरुको एआई जडित डिजिटल एक्सरेबाट क्षयरोगको जोखिम रहेका विरामीको पहिचान गरि एक्सरे सेवा सहितको क्षयरोगका विरामिको खोजपडताल गर्ने सिविर संचालन गर्ने भएको छ । 

स्वास्थ्य निर्देशनालय डोटी र जिल्ला स्वास्थ्य कार्यालय दार्चुलाको प्राविधिक सहयोग र मालिकार्जुन गाउँपालिका स्वास्थ्य शाखाको आयोजनामा क्षयरोग परीक्षण शिविर सञ्चालन गर्न लागिएको गाउँपालिकाका जनस्वास्थ्य निरीक्षक रामसिंह खत्रीले जानकारी दिनुभयो ।

गाउँपालिकाका ३ वटा वडाहरुमा सञ्चालन हुने उक्त शिविरमा क्षयरोग सम्बन्धी लक्ष्यण देखिएका बिरामीहरुलाई एआई डिजिटल एक्सरेको माध्यमबाट परिक्षण गरिने उहाँले बताउनुभयो । अहिले गाउँपालिकाको वडा नम्बर २, ३ र ५ मा सिविरको आयोजना गरिएकहो छ । 

फागुन ५ गते देखि ७ गते सम्म ३ वडाहरुमा शिविर सञ्चाल गरिने छ । पालिकाले प्रकाशन गरेको सार्वजनिक सुचना अनुसार फागुन ५ गते गाउँपालिकाको वडा नम्बर २ भगवती स्वास्थ्य चौकीमा शिविर सञ्चालन हुने छ । त्यस्तै ६ गते वडा नम्बर ५को डाँडाकोट स्वास्थ्य चौकी र ७ गते गाउँपालिकाको वडा नम्बर ३ मा रहेको मालिकार्जुन स्वास्थ्य चौकीमा शिविर सञ्चालन हुने छ ।