विपद् जोखिम कम गर्न तयारी थालियो सारथी खबर विपद् जुनसुकै बेला पनि आउने सक्ने भन्दै आवश्यक तयारी थालिएको छ । जिल्ला विपद् व्यवस्थापन समिति दार्चुलाले ९ वटै स्थानीय तह र सरोकारवालासँग आवश्यक तयारी थालेको हो । प्रमुख जिल्ला अधिकारी किरण जोशीको अगुवाईमा जिल्लास्तरीय बैठक राखि विपद् जोखिम कमगर्न आ–आफ्नो क्षेत्रबाट आवश्यक तयारी गर्न भनिएको छ । अहिले पश्चिम नेपालमा भुकम्पीय जोखिम बढेको छ । साथै दार्चुलामा चिसो मौसम पनि सुरु भएको भन्दै सर्वसाधारणको जीउधनको सुरक्षार्थ आवश्यक व्यवस्था मिलाउन प्रशासनले भनेको छ । उच्च जोखिममा रहेका वस्ती स्थानान्तरण तथा पुर्ननिर्माण पुर्नस्थापना गर्नुपर्ने कामहरुको लागि आवश्यक पहल गरिने प्रमुख जिल्ला अधिकारी किरण जोशीले बताइन् । ‘हामीले लिखित तथा मौखिक रुपमा गर्नुपर्ने काम गर्छौ, सबै स्थानीय तहले पनि आवश्यक आफ्नो क्षेत्रमा हुने विपद्का घट्ना न्यूनीकरणका लागि पहल गरौं,’ उनले भनिन् । उनले जिल्लाका ९ वटै स्थानीय तहका प्रमुख उपप्रमुख, ६१ वटै वडाका वडाअध्यक्ष, विपद् शाखा प्रमुख, जिल्लास्थित कार्यालय प्रमुख तथा सरोकारवाला निकाय राखेर विपद् आइहाले गर्नुपर्ने व्यवस्थापनबारे जानकारी लिएका छन् । स्थानीय तहले विपद् व्यवस्थापनको लागि गरिरहेका तयारी, स्थानीय तहको अवस्थाबारे समग्रमा जानकारी लिइन् । बैठकमा स्थानीय तहका प्रमुख तथा प्रतिनिधिले आ–आफ्नो स्थानीय तहमा भएको समस्या, विपद् व्यवस्थापनको लागि आवश्यक तयारी लगायतको बारेमा जानकारी गराएका थिए । प्रकाशित मिति: शुक्रबार कार्तिक २४, २०८०/Friday 11-10-2023 तपाईको प्रतिक्रिया सम्बन्धित खबर सबै चीन प्रवेशको लागि अनुमति पत्र वितरण सुरु उपकरण मर्मत नहुँदा गोकुलेश्वर अस्पतालमा उपचारमा समस्या बन्दै जीर्ण भवनमुनि भविष्य खोल्दै कलिला बालबालिका होलि खेलेर संकलन भएको पैसा वालिकाको उपचारमा दार्चुलामा आत्महत्या गर्नेमा बालबालिकाको संख्या बढ्दो दार्चुलाबाट तिब्बत जोड्ने सडक पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा उपकरण मर्मत नहुँदा गोकुलेश्वर अस्पतालमा उपचारमा समस्या बन्दै चीन प्रवेशको लागि अनुमति पत्र वितरण सुरु कक्षा १२ को परीक्षा आजदेखि शिक्षककाे लागि विज्ञापन खुल्याे