थुनुवा समात्न खोज्दा प्रहरी जवानले ज्यान गुमाए सारथी खबर नियमित सोधपुछको क्रममा सोमबार प्रहरीले थुनुवामा रहेका महाकाली नगरपालिका–१ का उमेश सिह कुवरलाई मुद्धा शाखामा बोलायो । केहि दिनयता जिल्ला प्रहरी कार्यालयको हिरासतमा रहेका उनी एकाएक भाग्न खोजे । प्रहरीको हातबाट फुत्केर उनी जिल्ला प्रहरी कार्यालयको पछाडितर्फ कुदे । त्यहीँबेला उनलाई समात्न खोज्दा प्रहरी जवान २९ वर्षीय सोहन चौधरी भीरबाट खसे । महाकाली तडबन्धले निर्माण गरेको तडबन्ध जिल्ला प्रहरी कार्यालयबाट झण्डै एक सय मिटर तल छ । थुनुवा भागेर महाकाली नदी तरे, तर उनलाई रोक्न खोज्ने जवानको टाउँको ढुंगामा लाग्यो । गम्भीर चोट लागेका उनलाई अस्पताल पु¥याउँदा मृत घोषित भए । टाउँकोमा गम्भीर चोट लागेका उनको जिल्ला अस्पताल दार्चुलामा पु¥याउँदा मृत्यु भएको जिल्ला अस्पताल दार्चुलाका सूचना अधिकारी डम्मरदत्त भट्टले जानकारी दिए । थुनुवा भागेपछि प्रहरीले जवानले रोक्न खोजे, जिल्ला प्रहरी कार्यालय दार्चुलाका सूचना अधिकारी एवं प्रहरी इन्स्पेक्टर ज्ञानेन्द्रबहादुर सिंहले भने । हामफालेर भागेका कुवर महाकाली तरेर भारततर्फ लागे । प्रहरी पनि सँगै नदी तरेर भारतपट्टि पुगेर नियन्त्रणमा लिइएको इन्स्पेक्टर सिंहले बताए । भारतबाट गोरखा रेजिमेन्टले पनि सहयोग ग¥यो । गत माघ ७ गते ड्युटीमा खटिएका दुई जना प्रहरीमाथि चक्कु प्रहार गरेका कुवरलाई फागुन २२ गते प्रहरीले नियन्त्रणमा लिएको थियो । आफ्नै श्रीमति धनिसा कुवरलाई बन्दक बनाएर हिंसा गरेको भन्दै उजुरी पछि प्रहरीले उनलाई सोधपुछको लागि जाने क्रममा प्रहरी हवल्दा जयबहादुर खड्का र जवान डम्बरबहादुर ठगुन्नामाथि चक्कु प्रहार गरेका थिए । चक्कु प्रहारबाट ठगुन्नाको आँखामा चोट लाग्यो । कुवरविरुद्ध प्रहरीले अपहरण तथा बन्दकी, ज्यान मार्ने उद्योग र जबरजस्तीकरणीको मुद्धा दर्ता गरेर अनुसन्धान गरिरहेको थियो । प्रकाशित मिति: सोमबार फाल्गुण २८, २०८०/Monday 03-11-2024 तपाईको प्रतिक्रिया सम्बन्धित खबर सबै शिक्षककाे लागि विज्ञापन खुल्याे कक्षा १२ को परीक्षा आजदेखि तीन करोड ३७ लाखमा निर्माण गरिएको विद्यालय भवनको उद्घाटन विपिनको रिहाइका लागि पहल गरिदिन परिवारको आग्रह शैल्यशिखरमा विद्यालय भवनको शिलान्यास शिक्षक कर्मचारी र व्यवस्थापन समितिका सदस्यका छोराछोरी सामुदायिक विद्यालयमा पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा उपकरण मर्मत नहुँदा गोकुलेश्वर अस्पतालमा उपचारमा समस्या बन्दै चीन प्रवेशको लागि अनुमति पत्र वितरण सुरु कक्षा १२ को परीक्षा आजदेखि शिक्षककाे लागि विज्ञापन खुल्याे