सुदूरपश्चिममा दशैँ अधि एक सय बढी जुवाडी पक्राउ Sarathikhabar कैलाली र कञ्चनपुर जिल्लाका विभिन्न स्थानबाट जुवातास खेलिरहेको अवस्थामा नौ लाख ६४ हजार छ सय ८६ सहित जुवाडी पक्राउ परेका छन् । सुदूरपश्चिम प्रदेश प्रहरी कार्यालयले दसैँ, तिहार र छठ पर्व लक्षित सुरक्षा योजना कार्यान्वयन गर्ने क्रममा एक सय ६२ जुवाडेलाई पक्राउ गरिएको प्रहरीले जनाएको छ । पक्राउ पर्नेमा कैलालीबाट ७७ र कञ्चनपुरबाट ८५ जना रहेका र उनीहरूलाई कानुनबमोजिम कारबाही अघि बढाइएको प्रदेश प्रहरी कार्यालय धनगढीका प्रमुख प्रहरी नायब महानिरीक्षक रवीन्द्र केसीले बताए । प्रदेशका नौ जिल्लामा सामान्य अवस्थामा सात हजार पाँच सय प्रहरी परिचालित हुने गरेकामा चाडपर्व लक्षित सुरक्षा योजना कार्यान्वयनका लागि थप चार हजार गरी ११ हजार पाँच सय प्रहरी परिचालन गरिएको उनले बताए । ‘चाडपर्वलाई लक्षित गरेर विगतका घटनाको समेत विश्लेषण गर्दै प्रदेशमा सुरक्षा योजना बनाएर लागु गरिएको हो । सुरक्षा योजनाअन्तर्गत सीमानाकामा सञ्चालनमा रहेका सहायता कक्षमा प्रहरी सङ्ख्या बढाइएको छ’, प्रहरी नायब महानिरीक्षक केसीले भने । सीमा क्षेत्रबाट लागुऔषधको कारोबार, विस्फोटक पदार्थलगायत मालसमानको चोरी तस्करीका घटना हुन नदिन नाकामा सञ्चालित सहायता कक्षमा तालिम प्राप्त कुकुर परिचालन गरिएको छ । सुरक्षा योजना लागु भएपछि पछिल्लो आठ÷दश दिनमा सीमा क्षेत्रबाट तस्करी भएर ल्याइएको झण्डै ५० लाख बराबरको मालसामान बरामद गर्न गरिएको पनि प्रदेश प्रहरी कार्यालयले जनाएको छ । प्रकाशित मिति: शुक्रबार असोज २५, २०८१/Friday 10-11-2024 तपाईको प्रतिक्रिया सम्बन्धित खबर सबै शुभकामना आदानप्रदानसंगै कार्यकर्ता भेटघाटमा एमाले दोस्रो विहे गर्नेको संख्या बढ्यो ६३ ग्राम लागुऔषधसहित होटल सञ्चालक पक्राउ अध्यक्ष ओलीले गरे केन्द्रीय कार्यालय भवनको शिलान्यास मलिकार्जुनको हुनशिखर मन्दिरमा महाष्टमीको जात्रा सम्पन्न नौगाडले मात्रै भू उपयोग नक्सा, आठ स्थानीय तहको कित्ताकाट काम रोकियो पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा ६३ ग्राम लागुऔषधसहित होटल सञ्चालक पक्राउ दोस्रो विहे गर्नेको संख्या बढ्यो शुभकामना आदानप्रदानसंगै कार्यकर्ता भेटघाटमा एमाले