अपिमा सर्वाधिक धनराशीको क्रिकेट प्रतियोगिता हुने

दार्चुलाको अपिहिमाल गाउँपालिकामा जिल्लाकै सर्वाधिक धनराशीको क्रिकेट प्रतियोगिता सञ्चालन हुने भएको छ । अपिहिमाल गाउँपालिकाको आयोजनामा प्रथम अध्यक्ष कप अन्तरपालिकास्तरीय टी २० क्रिकेट प्रतियोगिता हुने भएको हो । 
आगामी कात्तिक १० गतेबाट जिल्लाकै सर्वाधिक उचाइमा रहेको खात्ती क्रिकेट मैदानमा क्रिकेट प्रतियोगिता हुनेछ । प्रतियोगितामा प्रथम हुने टिमले नगद एक लाख ५१ हजार एक सय ११ नगद, मेडल प्रमाणपत्र तथा ट्रफि प्राप्त गर्नेछन् ।
यस्तै द्वितीय हुने टिमले नगद एक लाख एक हजार, एक सय ११ तथा मेडल प्रमाणपत्र तथा ट्रफि प्राप्त गर्नेछ । प्लेयर अफ दि टुर्नामेन्ट हुने खेलाडीले १० हजार नगद मेडल तथा ट्रफि, बेस्ट बलर, ब्याटर र इमर्जिङ प्लेयरले पाँच हजार नगद, मेडल तथा ट्रफि पाउने छ । भने  म्यान अफ दि म्याच एक हजार नगद तथा ट्रफि, पाउने आयोजकले जनाएको छ ।