एसीसी प्रिमियर लिग : हङकङमाथि नेपालको सहज जीत सारथी खबर ओमानमा जारी एसीसी प्रिमियर लिगमा नेपालले हङकङमाथि सहज जीत हासिल गरेको छ । बलियो प्रतिस्पर्धी मानिएको हङकङमाथि नेपालले ८ विकेटको सहज जीत हासिल गरेको हो । हङकङलाई हराउन नेपालले बलिङ, ब्याटिङ र क्षेत्ररक्षण तीनै पक्षमा उत्कृष्ट प्रदर्शन गरेको छ । यो नेपालको तेस्रो लगातार जीत हो । टस जितेर पहिले फिल्डिङ रोजेको नेपालले कसिलो बलिङ र धारिलो फिल्डिङ गर्दै हङकङलाई ११४ रनमा अलआउट गर्यो । हङकङका ओपनर अंशुमान रथले सर्वाधिक ३४ रनको योगदान दिए । अन्य ब्याट्सम्यानले उल्लेख्य रन बनाउन सकेनन् । बलिङमा नेपालका अविनाश बोहराले तीन विकेट लिए । यस्तै, ललित राजवंशी र दिपेन्द्रसिंह ऐरीले २–२ विकेट बाँडेका थिए । ११५ रनको सहज लक्ष्य लिएर मैदानमा उत्रेको नेपाल सुरुबाटै आक्रमक अन्दाजमा प्रस्तुत भयो । ओपनिङ जोडी आसिफ शेख र कुशल भुर्तेलले नेपाललाई विष्फोटक सुरुवात दिलाएपछि नेपालले पछाडि फर्केर हेर्नु परेन । ओपनिङ जोडीले हङकङका बलरमाथि पूर्णरुपमा हावी भएर खेलेका थिए । आसिफ र कुशलबीच पहिलो विकेटका लागि ५.२ ओभरमा ७० रनको साझेदारी भएको थियो । कुशल १९ बलमा २ छक्का र ३ चौकासहित ३२ रन बनाएर आउट भए । आसिफले १८ बलमा ३ छक्का र ३ चौका प्रहार गर्दै ४० रन जोडे । जितको औपचारिकता कप्तान रोहित पौडेल र सन्दीप जोराले पूरा गरे । रोहितले २० बलमा तीन चौकासहित २५ रन र सन्दीपले १७ बलमा १ चौका र १ छक्कासहित १९ रन बनाएका थिए । यसअघि नेपालले मलेसिया र कतारलाई पराजित गरेको थियो । नेपाल अंकतालिकाको शीर्षस्थानमा रहेको छ । प्रकाशित मिति: सोमबार बैशाख ३, २०८१/Monday 04-15-2024 तपाईको प्रतिक्रिया सम्बन्धित खबर सबै त्रिकोणात्मक टी–२० क्रिकेट : उपाधिका लागि नेपाल र नेदरल्यान्ड्स भिड्दै अपिमा सर्वाधिक धनराशीको क्रिकेट प्रतियोगिता हुने खुल्ला पुरुष डबल ब्याडमिन्टन प्रतियोगिता सुरु पहिलोपटक बलिया टिम सँग खेल्दै नेपाल नेपालले जित्यो महिला टी–२० सिरिजको उपाधि हेमन्तलाई एक लाख पुरुस्कार घोषणा पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा सुदूरपश्चिमका मुख्यमन्त्री सोडारीले २१ गते विश्वासको मत लिने पूर्वधार विकास समिति सभापतिको निर्देशन : व्याँसका नागरिकको लागि बाटो बनाऔं विश्वासको मत पाउन मुख्यमन्त्री सोडारीको सकस सुदूरपश्चिममा एमालेले तत्कालै दीर्घ सोडारीलाई विश्वासको मत नदिने एमाले वडा अधिवेशन