पत्रकार महासंघ निर्वाचन अझै अन्यौल : निर्वाचन प्रकृया अघि बढाउन छ संगठनको माग सारथी खबर नेपालका पत्रकारका विभिन्न संघ संगठनले सदस्यता विवाद देखाएर पत्रकार महासंघले निर्वाचनलाई अन्योलतर्फ धकेलेको बताएका छन् । प्रेस चौतारी नेपाल, प्रेस सेन्टर नेपाल, समाजवादी प्रेस संगठन, जनपत्रकार संगठन, क्रान्तिकारी प्रेस संगठन र प्रगतिशील पत्रकार संघले संयुक्त विज्ञप्ति जारी गर्दै महासंघको निर्वाचन तोकिएको समयमा सम्पन्न गरी वैधानिकता जोगाउन ४ बुँदे मागसमेत पेस गरेका छन् । निर्वाचन समयमा हुन नसक्नुले पत्रकारहरूमा महासंघको मूल नेतृत्वको निर्णय क्षमतामाथि प्रश्न उठेसँगै महासंघलाई अमूक संगठनको छाया संस्थामा परिणत गर्न चाहेको प्रमाणित भएको यी ६ संगठनको ठहर छ । सुर्खेत साधारणसभाबाट महासंघलाई वास्तविक पत्रकारको संस्थाको रूपमा विकास गर्ने उद्देश्यका साथ शुद्धीकरण समिति गठन गरी १५ बुँदे शुद्धीकरण मापदण्ड सार्वजनिक गरिएकोमा महासंघले आफ्नो कर्तव्य पूरा नगरेको कारण अहिलेको परिस्थिति सिर्जना भएको विज्ञप्तिमा उल्लेख छ । असार दोस्रो साताभित्र चुनाव गराउने प्रतिवद्धता कार्यान्वयको माग राख्दै ६ संगठनका नेतृत्वले शुद्धीकरण मापदण्ड, जिल्ला र प्रदेशको सर्वसहमति, संगठनका अध्यक्षहरूबीच भएको भद्र सहमतिसहित कार्यदलको प्रतिवेदनको आधारमा सक्रिय पत्रकार नछुट्ने गरी टुंगो लगाउनुपर्ने, २०८१ जेठ ३२ गतेभित्र मतदाताको नामावली निर्वाचन समितिमार्फत सार्वजनिक गरिनुपर्ने उनीहरूले बताएका छन् । पत्रकार महासंघको गरिमा, गौरव र जिम्मेवारीलाई कायम राख्दै यसको कानूनी वैधानिकता कायम निर्वाचन सम्पन्न गर्न आवश्यक सहमतिको वातावरण बनाउन र त्यसका लागि सहयोग गर्ने प्रतिवद्धता विज्ञप्तिमा जनाइएको छ । ‘यसको जिम्मेवारी महासंघको मूल नेतृत्वले लिनु पर्दछ । महासंघले आफ्नो आधिकारिक तथ्याङ्क र धारणा सार्वजनिक गर्न नसकेपछि महाधिवेशन नै हुने÷नहुने अनिश्चितता हुँदै गएको बेला संगठनहरूकै पहलकदमीमा २७ औं महाधिवेशन सफलताका साथ सम्पन्न भएको र जेठ २६ गते निवार्चन गर्ने मिति तय भएको थियो । अन्तिम अवस्थासम्म पुग्दा पनि महासंघले सदस्यताको आधिकारिक तथ्याङ्क सार्वजनिक गर्न नसक्दा तोकिएको समयमा निर्वाचन हुन नसकेको यथार्थ छर्लङ्ग छ’, ती संगठनले भनेका छन् । प्रकाशित मिति: आइतबार जेठ २७, २०८१/Sunday 06-09-2024 तपाईको प्रतिक्रिया सम्बन्धित खबर सबै दार्चुलाको तिंकरमा दुई महिनाभित्र अध्यागमन कार्यालय स्थापना गर्दैछौं : गृहमन्त्री लेखक मुख्यमन्त्री शाहलाई विश्वासको मत दिन एमालेको ह्वीप सुदूरपश्चिममा शाहको दोस्रो पटक मुख्यमन्त्री विश्वासको मत नपाएपछि प्रधानमन्त्री प्रचण्ड स्वतः पदमुक्त पूर्वमन्त्री ठगुन्नाकाे गृह जिल्लामा पत्रकार सम्मेलन, तिंकर सडकबारे के बोले ? पूर्व गाविस सचिव काग्रेस परित्याग गरी एमालेमा पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा बैतडीको खोचलेकमा अटो दुर्घटना हुदा चार जना घाइते, अटो चालक साउद प्रहरी नियन्त्रणमा शुभकामना आदानप्रदानसंगै कार्यकर्ता भेटघाटमा एमाले दार्चुलाको नाैगाडमा एक जना पुरुष मृत भेटिए छविलाल जोशी कास्की अदालतमा उपस्थित रवि समर्थकको पोखराको मानव अधिकार चोकमा प्रदर्शन