सुरेश सिंह धामीको अध्यक्षमा शंकरपुर क्याम्पसको १५ सदस्य व्यवस्थापन समिति चयन

दार्चुला, दार्चुलाको मालिकार्जुन गाउँपालिकामा रहेको एक मात्र  क्याम्पस शंकरपुर क्याम्पस पस्तीमा सुरेश सिंह धामीको अध्यक्षतामा व्यवस्थापन समिति चयन गरिएको छ ।
आइतवार (हिजो) क्याम्पसको ५ औँ साधारण सभाबाट धामीको अध्यक्षतामा १५ सदस्यीय क्याम्पस व्यवस्थापन समिति चयन गरिएको शंकरपुर क्याम्पस पस्तीका निमित्त क्याम्पस प्रमुख धर्मा सामन्तले जानकारी दिनुभयो ।
समितिमा महिला पदेन सदस्यमा तीन जना, एक जना वुद्दिजीवी, शिक्षा प्रेमी तीन जना, दलित सदस्य एक जना त्रीवी प्रतिनिधि एक जना, स्ववियु सभापती एक जना र मनोनित प्राध्यापकबाट एक जना गरी सर्वसहमत रुपमा १५ सदस्यीय समिति चयन गरिएको सामन्तले बताउँनुभयो ।
नयाँ चयन भएको व्यवस्थापन समितिमा लिला मिश्र, गीता पन्त, श्याम सिंह धामी, पुरन सिंह धामी, दिलप सिंह धामी, कालुराम लोहार, पिताम्बर पन्त, लोकेन्द्र सिंह धामी सदस्य रहेका छन् । यस्तै पदेन सदस्यमा गाउँपालिका अध्यक्ष हिरा सिंह धामी, वडा नम्बर ८ का वडा अध्यक्ष केशर सिंह धामी, क्याम्पस प्रमुख र स्वावीयु सभापती रहेका छन् । प्राद्यापकहरुबाट एक जना सदस्य मनोनयन गर्न बाकी रहेको क्याम्पसले जनाएको छ ।