दुर्घटनामा २ जनाको मृत्यु १० जना घाइते 

बाजुरा सदरमुकाम मार्तडी स्कारपीयो जीप दुर्घटना हुँदा २ जनाको मृत्यो भएको छ । मृत्यु भएका दुबै जनाको सनाखत भएको हो । 
जिल्ला प्रहरी कार्यालयका अनुसार कञ्चनपुरकी ३१ वर्षीया गायत्री पन्त र भीमदत्त नगरपालिका–१८ की ५२ वर्षीया राधिका भट्टको मृत्यु भएको छ । पन्तको घटनास्थलमै र भट्टको उपचारका क्रममा मृत्यु भएको हो । दुर्घटनामा परेर तीन जना घाइते भएका छन् ।
बाजुराको गौमुल गाउँपालिकाका २५ वर्षीय रमेश धामी, कञ्चनपुरको भीमदत्त नगरपालिका–१७ का ३९ वर्षीय लोकेन्द्र पन्त, र कञ्चनपुरको गुलरियाका मोहनदेव भट्ट रहेका छन्। घाइते तीनै जनाको जिल्ला अस्पताल बाजुरामा उपचार भइरहेको छ ।
आइतबार दिउँसो सुदूरपश्चिम प्रदेश ०१–००१ च ४३१६ नम्बरको जिप बडीमालिका नगरपालिका–८ मा दुर्घटनामा परेको हो । जिप कोल्टीदेखि मार्तडी गइरहेको थियो। दुर्घटनाको कारण भने खुलेको छैन ।
यस्तै अर्को दुर्घटना बाजुरा जिल्लाको हिमाली गाउँपालिका–६ स्थित धिम गाउँमा भएको छ । जीप दुर्घटना हुँदा ७ जना घाइते भएका छन् । धिममा एभरेष्ट इन्टरनेटको नेट जडानका लागि १३ जना सवार रहेको जीप अनियन्त्रीत भएर दुर्घटना भएको जिल्ला प्रहरी कार्यालय बाजुराले जनाएको छ । घाइते ७ जनाको उद्धार गरी कोल्टी अस्पतालमा उपचारका लागि पुगाइएको प्रहरीले जनाएको छ । घाइतेको परिचय खुलेको छैन ।