स्याउँ बगैचामा कृषकहरुलाई मागमा आधारित तालिम 

दार्चुलाका व्यवसायीक कृषकहरुले स्याउवारिमै मागमा आधारित तालिम पाएका छन् । प्रधानमन्त्री कृषि 
आधुनिकीकरण परियोजना कार्यान्वयन इकाई दार्चुलाले व्यावसायीक रुपमा स्याउखेती गरिरहेका कृषकहरुलाई तालिम दिएको हो । 
तालिममा उच्च घनत्वमा स्याउँ बगैचा व्यवस्थापन, बगैचामा लाग्ने रोग किराको व्यवस्थापन माउ बोटमा ग्राफ्टिङ, बोट काटछाट लगायत सैद्धान्तिक कुराहरु स्याउ बारिमै प्रयोगात्मक रुपमा सिक्न पाएको कृषकरुले बताए । माघ १३ गतेदेखि अपिहिमाल गाउँपालिकाको खण्डेश्वरीमा मागमा आधारित प्रविधि विस्तार तथा क्षमता विकास तालिम ३ दिन सम्म संचालन भएको थियो । दार्चुलाका ६ स्थानिय तह व्याँस, दुहुँ, नौगाड, मार्मा, अपिहिमाल र महाकाली नगरपालिकामा स्वाउँ बगैचा बनाएर व्यवसायिक खेति गरिरहेका ३० जना कृषकहरुको सहभागिता रहेको थियो । 
कृषकहरुलाई व्यवसायीक बनाउनको लागि परियोजना कार्यान्वयन इकाईले तालिम गायत प्रविधि सहयोगका कार्यहरु संचालन गर्ने परियोजना कार्यान्वयन इकाई दार्चुलाका प्रमसख कमल तमाँङले बताउनु भयो । तालिममा वागवानी विकास केन्द्र मार्फा मुस्ताङका प्रमुख पद्यनाथ आत्रेयले प्रशिण दिएका हुन् ।