पूर्वमन्त्री ठगुन्ना नेतृत्वको टोलीले प्रधानमन्त्री ओलीलाई बुझायो मागपत्र सारथी खबर दार्चुला । पूर्वमन्त्री गणेश सिंह ठगुन्नाको नेतृत्वमा एमाले नेताहरूले बालुवाटार पुगेको प्रधानमन्त्री केपी शर्मा ओलीलाई मागपत्र पेस गरेका छन् । दार्चुलाको विकासका लागि महत्वपूर्ण योजनाहरूमा आवश्यक बजेट विनियोजन गरिदिन तथा आवश्यक निर्णय गरिदिन माग पत्र बुझाएका हुन् । पूर्वमन्त्री तथा एमाले पोलिटव्युरो सदस्य गणेश सिंह ठगुन्ना र एमाले केन्द्रीय कमिटी सदस्य हरदेव जोशीको हस्ताक्षर रहेको मगपत्रम ९ वटा मागहरु उल्लेख गरिएका छन् र प्रधानमन्त्री निवास बालुवाटार पुगेको टोलीले दार्चुला जिल्ला सदरमुकाम गल्फै क्षेत्रमा २०७० सालको महाकाली बाढी बाट नेपालको सयौं रोपनी जग्गा महाकाली नदी पारी परेको र हाल भारतीय पक्षबाट एकतर्फी रुपमा शो क्षेत्रमा तटबन्ध निर्माणको कार्य गरिरहेकोले साबिक पुरानै नक्सा अनुसार तटबन्ध निर्माण गर्न र हाल शो निर्माण कार्य रोक्न भारत सरकारलाई अनुरोध गरिदिन र सदरमुकाम क्षेत्रको लास्कु, बाङ्गाबगड, कलौन क्षेत्रमा पक्की तटबन्ध निर्माण गर्न आवश्यक बजेट व्यवस्थापनको लागि अनुरोध छ । माग पत्रमा महाकाली कोरिडोरको दार्चुला–तिंकर खण्ड (तुषारपानी– तिंकर) सडकमा नेपाली सेना लाई आगामी आर्थिक वर्षमा न्युनतम रू ५० करोड बजेट बिनियोजन गरिदिन अनुरोध गरिएको छ । दार्चुला जिल्लाको एकमात्र विमानस्थल गोकुलेश्वर विमानस्थल आर्थिक वर्ष ०७९÷८० मा बहुबर्षिय स्विकृति भई प्रथम चरणको काम सम्पन्न भई सकेको अवस्थामा चालु आ.व. मा बजेट अभावले थप कार्य संचालन नभएकोले आगामी आ.व. मा न्युनतम रू २० करोड बजेट बिनियोजन गरिदिन अनुरोध गरिएको छ । दार्चुला जिल्लाको एकमात्र निर्वाचन क्षेत्र रणनितिक सडक खलंगा–देथला–बिटुले–पारीबगर–खण्डेश्वरी सडकमा बजेट अभावले निर्माण कार्य सुस्त भएकोले न्युनतम ५० करोड बजेट बिनियोजन गरिदिन अनुरोध गरिएको छ । दार्चुला जिल्लाको तिंकरमा चीन सरकार को तिब्बत ताक्लाकोट व्यापारिक मंडी र कैलासमानसरोवर यात्रीहरुको लागि अध्यागमन कार्यालय तत्काल स्थापना र तिंकरमा सुख्खा बन्दरगाह (म्चथ एयचत) निर्माणको लागि अनुरोध गरिएको छ । यस्तै दार्चुला जिल्लामा प्रधानमन्त्री ओलीकै अठोट अनुरूप लाली, बाँकु, बडुगाँउ, तिग्रम, मलघट्टे र मालमा तुईन उन्मुलन भई झोलुङ्गे पुल निर्माण भई आवागमन संचालन भईरहेकोले ब्याँस गाँउपालिका वा.नं. २ दुम्लिङ मा नदीमा झोलुङ्गे पुल निर्माण बाकि रहेकोले अभिलम्ब भारत सरकारसँग पहल गरि झोलुङ्गे पुल निर्माण गरिदिन अनुरोध गरिएको छ । राष्ट्र कै सातौं धाम “मालिकार्जुन धाम” लाई धार्मिक र पर्यटकीय गन्तव्यको हिसाबले बिकास गर्नु जरुरी भएकोले” मालिकार्जुन धार्मिक पर्यटकीय कार्यक्रम” संचालन गरिदिन हुन अनुरोध गरिएको छ । दार्चुला जिल्लाको त्रि.वि. बाट सम्बन्धन प्राप्त शंकरपुर क्याम्पस सु.प. सिनेटबाट आङ्गिक को निर्णय भई कार्यान्वयन हुन बाकी रहेकोले शो निर्णय कार्यान्वन गरिदिनहुन र लाली, लटिनाथ, हुति र दत्तु क्याम्पसहरुलाई सु.प. विश्वविद्यालयको आङ्गिक क्याम्पस मा समावेश गरिदिन अनुरोध गरिएको छ । यस्तै महाकाली लोकमार्गको गोकुलेश्वर देखि सदरमुकाम सम्म र सदरमुकाम देखि तुषारपानी–तिंकर सडक लाई “प्रेम सिंह धामी लोकमार्ग” नामाकरण गरिदिन अनुरोध गरिएको छ । मागपत्रसहित बाहेक दार्चुलाको विकास योजना र आवश्यकता बारे छलफल भएको र बजेट तथा कार्यक्रम माग गरिएको नेताहरूले बताएका छन् । प्रकाशित मिति: सोमबार बैशाख २२, २०८२/Monday 05-05-2025 तपाईको प्रतिक्रिया सम्बन्धित खबर सबै झापामा भेटेरिनरी अस्पतालका कर्मचारीबीच नै कुटाकुट दार्चुलामा रेबिज विरुद्धको खोप अभाव, विरामी आफैले खरिद गरी ल्याएमा अस्पतालले लगाइदिने पूर्वमन्त्री एवम् एमाले नेता प्रदीप नेपालको निधन ३५ दिन भित्र अनधिकृत र अतिक्रमण गरिएका संरचना हटाउन महाकाली नगरपालिको सार्वजनिक सुचना, नगरपालिकाको निर्णय अटेर गर्छन स्थानिय मोटरसाइकलमा सवार शिक्षा अधिकृत ओझाको ढुङ्गालागेर मृत्यु दार्चुलाका ग्रामिण बस्तिमा विद्युतिकरण गरिदै, बीस हजार घरधुरीमा बिजुली बल्यो पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा आयुर्वेद, स्वास्थ्य, शिक्षा र आत्मानुशासन विषयमा अन्तक्रिया गर्दै मालिकार्जुन गाउँपालिकामा योगमय घोषणा भारतले बनाइरहेको तटबन्धको निर्माण कार्य रोक्नका लागि एमाले दार्चुलाले बुझायो परराष्ट्रमन्त्रीलाई ज्ञापन दार्चुलाका ग्रामिण बस्तिमा विद्युतिकरण गरिदै, बीस हजार घरधुरीमा बिजुली बल्यो विपत व्यवस्थापनका लागि संयुक्त पूर्वतयारी नमुना अभ्यास दार्चुलामा रेबिज विरुद्धको खोप अभाव, विरामी आफैले खरिद गरी ल्याएमा अस्पतालले लगाइदिने