३५ दिन भित्र अनधिकृत र अतिक्रमण गरिएका संरचना हटाउन महाकाली नगरपालिको सार्वजनिक सुचना, नगरपालिकाको निर्णय अटेर गर्छन स्थानिय

दार्चुलाको महाकाली नगरपालिकाले अनधिकृत संरचना र अतिक्रमण गरिएका संरचना हटाउन आग्रह गरेको छ । नगरपालिकाले मंगलबार एक सूचना जारी गर्दै नगर क्षेत्रमा रहेका अनधिकृत र कानुन विपरित निर्माण तथा सञ्चालन भइरहेका संरचना हटाउन आग्रह गरेको हो । 
नगरपालिकाले विभिन्न समयम यस्तै सुचना प्रकशन गरिरहदा जग्गा तथा संरचना अतिक्रमण गरी व्यवसाय संचालन गरिरहेका स्थानिय अटेर गरिरहेका छन् ।  
नगरपालिकाको मिति २०८२ बैशाख २ गतेको बैठकको निर्णय अनुसार नगरपालिका क्षेत्र भित्र कानुन विपरित प्रयोग, अतिक्रमण, गैरकानुनी कब्जा गरिएका र लिजको उदेश्य विपरित प्रयोग भएका सरकारी तथा सार्वजनिक प्रकृतिका जग्गाहरुको अतिक्रमण तथा अनधिकृत प्रयोग हटाई जग्गाहरु साविककै अवस्थामा फिर्ता ल्याउने निर्णय अनुसार नगरपालिकालिकाले एक सूचना जारी गर्दै अनधिकृत र कानुन विपरित प्रयोग भएका संरचना ३५ दिन भित्र हटाउन आग्रह गरेको नगरपालिकाका निमित्त प्रमुख प्रशासकीय अधिकृत ईश्वरी ठगुन्नाले बताउनुभयो ।
साथै तोकिएको समयमा अटेर गरि संरचना नहटाएमा वा अतिक्रमित क्षेत्रबाट नहटेमा नगरपालिकाले उक्त संरचना हटाउने र अतिक्रमित क्षेत्र खाली गर्ने र सो कार्यमा खर्च भएको रकम सम्बन्धीत व्यक्ति, संस्था वा कार्यालय संग असुल गर्ने नगरपालिकाले जारी गरेको सूचनामा उल्लेख गरिएको छ ।
दार्चुला जिल्लाको सदरमुकाम समेत रहेको महाकाली नगरपालिकाको वडा नम्बर ४ र ५ खलंगा बजार क्षेत्रमा बिक्रि प्रयोजनका निर्माण सामाग्री सडकमा राख्ने, सडक पेटीमा खोका छाप्रा निर्माण गरि पसल संचालन गर्ने कार्य भैरहेको छ । साघुरो बाटोमा खोका छाप्रा बनाएर व्यवसाय गर्दा विभिन्न कामले सदरमुकाम बजार क्षेत्रमा ओहोरदोहोर गर्ने नागरिकलाई समस्या भएको छ ।