२०८१ श्रावण, ७ सोमबार

कोरोनाको त्रासमा जो अप्ठ्यारोका सहयोगी बन्दैछन् (फोटो फिचरमा)

समाज सेवा गर्नलाई उमेरले छेक्दैन भन्ने उदाहरण बन्नुभएका छ, शैल्यशिखर नगरपालिकाका युवा व्यवसायी भुवन  भण्डारी । कोरोनाका महामारीमा स्थानीय तहका जनप्रतिनिधिले गर्न नसकेको भूमिका अहिले व्यवसायी भण्डारीले निर्वाह गरि राख्नुभएको छ ।
कोरोनाका कहरले सबै घरभित्रै बसिरहेका छन् । अधिकांश व्यापारीहरु लुकिछिपी आफ्नो व्यापार गरिराखेका छन् , तर शैल्यशिखर ९ का भण्डारी भने कोरोनाको संक्रमणमा परेका व्यक्तिको सेवा र अप्ठ्यारोमा परेकाहरुलाई सहयोग गर्नमा जुट्नुभएको छ । 
कोरोनामा गरिब मर्नुहुँदैन भनेर शैल्यशिखर नगरपालिकाका वादी समुदायलाई खाद्यान्न दाल मास्क र सेनिटाइजर वितरण गरिसक्नुभएको छ । शैल्यशिखरका हरेक वडासम्म सेनिटाइजर र मास्क आफ्नै स्कारपिओ गाडीमा पुर्याउँदैछन् । 
आफ्नो नगरपालिका भित्र मात्र नभई सदरमुकाम खलंगामा आएर कोरोनाको जोखिममा रहेका अग्रपंक्तिका सुरक्षाकर्मी, र पत्रकार तथा महाकाली लोकमार्गका सुरक्षा पोष्टहरुमा गएर भण्डारीले मास्क र सेनिटाइजर वितरण गर्नुभएको छ । 
कोरानाका कारण सबैले दिनहुँ सर्जिकल माँस्क खरिद गर्ने सक्ने अवस्था छैन्, भण्डारी भन्नुहुन्छ, तै पनि आफुले सक्दो सहयोगको रुपमा सबैलाई मास्क र सेनिटाइजर वितरण गरिरहेको छु । 
आफ्नै गाडीमा सबै ठाउँ पुगेर निरन्तर भण्डारी जनता बचाउने अभियानमा जुटेका छन् । भण्डारी भन्नुहुन्छ, स्थानीय सरकारले पहिलो वर्ष गर्नु गरे, यो वर्ष कोही पनि सहयोगी बनेका छैनन् । जनतालाई एउटा मास्क पनि पाउन सक्ने अवस्था नभए पछि आफ्नै लगानीमा वितरण गरिरहेको छु । 
भण्डारी मास्क र सेनिटाइजर मात्र नभई गोकुलेश्वर अस्पतालमा अक्सिजन अभाव हुन नदिन अक्सिनको खोजीमा लाग्नुभएको छ । मंगलबार मात्र भण्डारीले आफै गाडी चढाएर माथिल्लो चमेलियाबाट १० थान अक्सिजन गोकुलेश्वर अस्पताल पुर्याउन सहयोग गर्नुभयो । इलाका प्रहरी कार्यालय गोकुलेश्वरबाट प्रहरी निरीक्षक अरुण वमलाई गाडीमा राखेर भण्डारीले माथिल्लो चमेलिया लटिनाथबाट अक्सिजन सिलेण्डर ल्याउनुभएको हो ।
माथिल्लो चमेलियाले तत्काल काम चलाउन गोकुलेश्वर अस्पताललाई अक्सिजन सिलेन्डर उपलब्ध गराएपछि भण्डारी र वम लटिनाथ पुग्नुभएको थियो । उनीहरुले अक्सिजन गोकुलेश्वर अस्पतालाई  हस्तान्तरण गर्नुभएको छ ।

प्रकाशित मिति: बुधबार जेठ ५, २०७८/Wednesday 05-19-2021

तपाईको प्रतिक्रिया

सम्बन्धित खबर

सबै