२०८१ श्रावण, ७ सोमबार

एसईईको नतिजा आउदै, ननग्रेडेडले ११ कक्षामा पढ्न नपाउने

माध्यमिक शिक्षा परीक्षा (एसईई)को नतिजा आज सार्वजनिक गर्नेृ भएको छ । राष्ट्रिय परीक्षा बोर्ड बैठकले बिहीबार नतिजा सार्वजनिक गर्ने निर्णय गरेको परीक्षा नियन्त्रक नन्दलाल पौडेलले जानकारी दिए । उनका अनुसार केही प्राविधिक तयारी नपुगेकाले बुधबार नतिजा प्रकाशित हुन सकेन । 
पौडेलले अन्य सबै तयारी पूरा भएको जानकारी दिए । उनले डेमो गर्ने र हस्तक्षर गर्ने सबै काम पूरा भएको बताए । गत १५ चैत देखि २७ चैतसम्म भएको परीक्षामा ५ लाख ४ हजार ४१४ विद्यार्थी सहभागी भएका थिए । यो वर्षदेखि लेटर ग्रेडिङ निर्देशिका, २०७८ अनुसार नतिजा सार्वजनिक गर्नेछ ।
सैद्धान्तिक र आन्तरिकको मूल्यांकन फरक–फरक रूपमा गर्ने व्यवस्था छ । सैद्धान्तिकतर्फ हरेक विषयमा न्यूनतम ३५ प्रतिशत अंक ल्याउनुपर्छ भने ७५ अंकको सैद्धान्तिक परीक्षा हुने विषयमा न्यूनतम २६.२५ अंक ल्याउनुपर्छ । 
सैद्धान्तिकतर्फ ७५ पूर्णांकको परीक्षा हुने विषयमा ३५ प्रतिशत अर्थात २६.२५ अंक पाएको छैन भने प्रमाण पत्रमा एनजी (नन ग्रेडेड) उल्लेख हुनेछ । नन ग्रेडेडले कक्षा ११ मा पढ्न पाउने छैनन् । 

प्रकाशित मिति: बिहीबार असार १४, २०८१/Thursday 06-27-2024

तपाईको प्रतिक्रिया

सम्बन्धित खबर

सबै