मार्माका बाढिपीडितको पुर्नस्थापनाको लागि पहल गर्ने निर्णय

जिल्ला विपद् व्यवस्थापन समितिको बैठकले मार्माका बाढिपहिरो पीडितको पुर्नस्थापनाको लागि पहल थालेको छ । एकसाताअघि आएको बाढिपहिरोका कारण विस्थापित मार्मा गाउँपालिका वडा नम्बर ४, ५ र ६ का स्थानीयको पुर्नस्थापनाको लागि समितिले पहल थालेको हो ।
समितिका अध्यक्ष एवं प्रमुख जिल्ला अधिकारी यज्ञराज जोशीको अध्यक्षतामा बसेको बैठकले बाढिपहिरोबाट विस्थापित भएका परिवारलाई पुर्नस्थापना पुर्नबासका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरण काठमाण्डौंलाई अनुरोध गर्ने निर्णय भएको छ । 
मार्मा गाउँपालिकाका गाउँ कार्यपालिकाको असार ३१ गतेको निर्णयअनुसार बाढिपहिरो पीडितलाई पुर्नस्थापनाको लागि अनुरोध गर्ने निर्णय भएको प्रमुख जिल्ला अधिकारी यज्ञराज जोशीले जानकारी दिए । 
बाढिपहिरोका कारण मार्माका मुरै, गन्याड, निम्ठा, मर्मतीका गरी ३२ परिवार विस्थापित भएको मार्मा गाउँपालिका अध्यक्ष जमनसिह धामीले बताए । उनले भने, अहिले विस्थापितहरु ६ परिवार विद्यालयमा बसोबास छ । त्योबाहेक अन्य आफन्तकोमा छन् । बर्खा निरन्तर भइरहेको हुँदा उनीहरुको उचित व्यवस्थापन गर्न नसके अझै सोही ठाउँमा पुर्नस्थापना गर्न सकिने अवस्था छैन्, उनले भने । उनीहरुलाइ उचित ठाउँमा घरबाससहित राख्न सकिन्छ भनेर पहल भएको हो ।
यस्तै बैठकले मार्मा गाउँपालिका वडा नम्बर ३ स्थित रिल पहिरोका कारण चमेलिया नदीको बहाव मर्मती बस्तीतिर धकेलिने गरेको छ । छ भने वडा नम्बर ४ भएर बग्ने मेलेगाड खोलाले पनि यो ठाउँमा कटान गरेको अध्यक्ष धामीले बताए । 
यो क्षेत्रमा वारिपारी कटान रोक्न पक्की तडबन्ध निर्माणको लागि जलस्रोत तथा सिचाई विकास डिभिजन कार्यालय दार्चुला, भौतिक पूर्वाधार विकास मन्त्रालय सुदूरपश्चिमलाई अनुरोध गर्ने बैठकले निर्णय गरेको छ ।