दिवस मनाउन दिएको रकम जोशीको उपचारमा सहयोग

दार्चुलाको शैल्यशिखर नगरपालिका वडा नम्बर ७ का महिलाहरुले नारी दिवस मनाउन वडा कार्यालयले उपलब्ध गराएको रकम केशव राज जोशीको उपचारको लागि सहयोग गर्ने निर्णय गरेका छन् । मोटरसाइकल दुर्घटनामा परी गम्भीर घाइते भएका जोशीको उपचारमा सहयोग गर्न शनिवार नारी दिवस मनाउन भेला भएका महिलाहरुले व्यक्तिगत रुपमा संकलन गरेको र वडा कार्यालयले उपलब्ध गराएको रकम खर्च नगरी जोशीको उपचारका लागि दिने निर्णय गरको हो । 
महिलाहरुको भेलाले व्यक्तिगत उठाएको ६ हजार ७ सय ४० र वडा कार्यालयले दिएको ३ हजार गरी जम्मा ९ हजार ७ सय ४० रुपैया महेश राज जोशी मार्फत राजु प्रसाद जोशीको खातामा जम्मा गर्ने निर्णय गरेको छ । 
मोटरसाइकल दुर्घटनामा परी गम्भिर घाईते भएका दार्चुलाको शैल्यशिखर नगरपालिका वडा नम्बर ७ देवथली (कोटमा) घर भइ मालिकार्जुन आधारभूत विद्यालय पौनेखोलामा कार्यरत ३६ वर्षिय शिक्षक केशब राज जोशीको उपचारमा आर्थिक समस्या भएपछि सामाजिक सञ्जाल मार्फत सहयोग रकम संकलन अभियान शुरु गरिएको छ । 
सहयोग गर्न इच्छुकले राजु प्रशाद जोशीको नाममा नेपाल इन्भेस्टमेन्ट मेगा बैंकमा रहेको खाता नम्बर २९७०५३०००००४५१ अर्थात फेसबुकमा सार्वजनिक गरिएको क्यूआरबाट सहयोग गरिदिन अपिल गरिएको छ ।
फागुन १९ मालिकार्जुन गाउँपालिकाको थकतोलीमा मोटरसाइकल दुर्घटनामा परी घाईते भएका जोशीको मेरुडण्डको हड्डी भाचिएको र मिर्गोलाको समेत समस्या भइ डाइलासेस गर्नुपर्ने देखिएको आफन्त मनिराज जोशीले जानकारी दिनुभयो ।
जोशीको नेपालगंन्ज मेडिगल कलेजमा उपचार भइरहेको छ ।