शुभकामना आदानप्रदानसंगै कार्यकर्ता भेटघाटमा एमाले 

नेकपा (एमाले) जिल्ला कमिटी दार्चुलाले शुभकामना आदाप्रदानसंगै कार्यकर्ता भेटघाटमा पालिका केन्द्रीत कार्यक्रम तय गरको छ । 
शुभकामना आदानप्रदान तथा कार्यकर्ता भेटघाट कार्यक्रम कार्तिक १ गते दुहुँ गाउँपालिकाबाट सुरुवात गरिएको हो । जिल्ला कमिटीले बडादशैं, दिपावली, नेपाल संम्बद र छठ पर्वको अवसरमा शुभकामना आदानप्रदान तथा कार्यकर्ता भेटघाट गर्ने कार्यक्रम तय गरको जिल्ला कमिटी सचिव उमेश राज जोशीले जानकारी दिनुभयो । 
कार्तिक १ गते दुहुँ गाउँपालिका वडा नम्बर ५ चल्लेगाडामा सम्पन्न गरको एमालेले कार्तिक २ गते ब्याँस गाउँपालिकाको सुन्सेरामा कार्यक्रम सम्पन्न गरेको छ ।
एमाले केन्द्रीय कमिटी पोलिटब्युरो सदस्य तथा दार्चुला ईन्चार्ज पूर्व मन्त्री गणेश सिंह ठगुन्नाको नेतृत्वमा जिल्ला कमिटीका पदाधिकारीहरुको टोलीले दार्चुला जिल्लाका ९ वटै पालिका कमिटीहरुको ससन्वयमा कार्यक्रम गर्नेछ । 
टोलीमा एमाले केन्द्रीय कमिटी सदस्य हरदेब जोशी, प्रदेश कमिटी सदस्यहरू नगेन्द्र तिंकरी, गौरी बडाल, प्रेमसिंह धामी, जिल्ला कमिटी अध्यक्ष ज्ञानेन्द्र घर्ती, उपाध्यक्ष परमानन्द जोशी, सचिव उमेशराज जोशी, लगायतका नेता कार्यक्रताहरुको सहभागिता रहनेछ । 
कार्तिक १ गतेदेखि दुहुँ गाउँपालिकाबाट संञ्चालन भएको शुभकामना आदानप्रदान तथा कार्यकर्ता भेटघाट कार्यक्रम कार्तिक ९ गते लेकम गाउँपालिकाको रातामाटामा सम्पन्न हुने कार्यतालिका एमाले जिल्ला कमिटीले सार्वजनिक गरेको छ ।