दार्चुलामा जिप दुर्घटना हुँदा चालकको मृत्यु, दुई जना घाइते

दार्चुलामा जिप दुर्घटना हुँदा चालको मृत्यु भएको छ । जीप चालक महेश भुलकोे उपचारको क्रममा जिल्ला अस्पताल दार्चुलामा मृत्यु भएको अस्पतालले जनाएको छ । 
दुर्घटनामा परि दुई जना घाइते भएका छन् । घाईते हुनेमा महाकाली नगरपालिका वडा न २ का १५ वर्षिय सागर भुल र ३ बर्षिय धौले भुल रहेका जिल्ला प्रहरी कार्यालय दार्चुलाका प्रहरी निरीक्षक छत्र बहादुर रावतले जानकारी दिए ।
जिल्लाको महाकाली नगरपालिका वडा नम्बर २ मुल्लाभन्ने ठाँउमा सु.प.प्र ००३००१ ज ०००५ नम्बरको जिप बुधबार दुर्घटनामा परेको हो । 
घाइते दुबै जनालाई उपचारको लागी जिल्ला अस्पताल दार्चुलामा उपचार भईरहेको प्रहरी निरीक्षक छत्र बहादुर रावतले जानकारी दिए । दल्लेख बाट दार्चुलाकै खलंगा जादै गरेको जिप दुर्घटनामा परेको हो । दुर्घटनाका बिषयमा थप अनुसन्धान भईरहेको उनले बताए । मृतक भुलकले एक दिन अगाडी मात्र नयाँ गाडी खरिद गरेर पुजापाठ गरि घुमघामका लागि सदरमुकाम तिर आइरहेको बताइएको छ । जीप सडकबाट अन्ताजी ५० मिटर तल खसेको प्रहरीले जानकारी दिनुभयो ।