२०८१ श्रावण, ७ सोमबार

कोभिड १९ का सूचना एउटै वेबबाट, क्‍वारेन्टाइनको निगरानी एप्सबाट

गृह मन्त्रालयले आजदेखि कोभिड १९ का आधिकारिक जानकारी एकै ठाउँबाट दिनका लागि वेबसाइट र मोबाइल एप्समार्फत् क्‍वारेन्टाइन अनुगमन प्रणाली शुरू गरेको छ। 
कोभिड–१९ को यथार्थ जानकारीबारे तपाईं अलमलमा परिरहनुभएको छ रु सामाजिक सञ्जालमा आउने फरक–फरक सूचनाले हैरानी खेपिरहनुभएको पो छ कि ? अब ढुक्क हुनुहोस्। तपाईं त्यो हैरानीबाट मुक्त हुँदै हुनुहुन्छ। आजदेखि कोभिड १९ का आधिकारिक सूचना एकै ठाउँबाट जानकारी लिन सक्नु हुनेछ। सँगै मोबाइल एप्समार्फत् क्वारेन्टाइन अनुगमन प्रणालीको समेत शुरू गरिएको गृह मन्त्रालयले जनाएको छ।
यसलाई गृह मन्त्रालयले ‘कोभिड १९ एकीकृत सूचना प्रणाली तथा क्वारेन्टाइन अनुगमन प्रणाली’ नाम दिएको छ। यसरी सूचना प्राप्त गर्न तपाईंले एउटा वेबसाइट हेर्नुपर्नेछ।
गृह मन्त्रालयको राष्ट्रिय विपद् जोखिम न्यूनीकरण तथा व्यवस्थापन प्राधिकरणले आजदेखि उक्त वेब सञ्चालनमा ल्याएको हो। ब्राउजरमा गएर
https; covid19.ndrrma.gov.np लगइन गरेपछि त्यहाँबाट सबै सूचना प्राप्त गर्न सकिने प्राधिकरणका प्रमुख कार्यकारी अधिकृत अनिल पोखरेलले जानकारी दिनुभयाे । वेबमा भएको ताजा विवरणअनुसार आजसम्म सङ्क्रमित आठजना उपचारकै क्रममा छन्। एकजना उपचारपछि फर्किसकेका छन्। आठ हजार १६६ जना क्वारेन्टाइनमा छन्। १३१ व्यक्ति आइसोलेसनमा छन्।
उक्त वेबसाइटको गृहमन्त्री रामबहादुर थापाले लगइन गरेर सञ्चालनमा आएको घोषणा गर्नुभयाे । मन्त्री थापाले उक्त सूचना प्रणालीले विपद्को सामना गर्न महत्त्वपूर्ण सहयोग पुग्ने विश्वास व्यक्त गर्नुभयाे ।
वेबसाइट पूर्ण सञ्चालनमा आउँदासम्म वडा तहदेखिकै विवरण राखिनेछ। स्वास्थ्य तथा जनसंख्या मन्त्रालयमा विवरण अपडेट हुनेबित्तिकै स्वचालितरूपमा उक्त वेबमा पनि विवरण अपडेट हुने गरी प्रविधिको प्रयोग गरिएको छ।
उक्त वेबसाइटमा मुलुकका ७५ वटै जिल्लाका राष्ट्रिय आपत‍्कालीन कार्यसञ्चालन केन्द्रबाट तथ्याङ्क प्रविष्ट गरी दैनिक विवरण अपडेट हुने छ। त्यहाँ मानिस क्वारेन्टाइनमा कति छन् रु कति जनाको स्वाब नमूना लिइएको छ। संक्रमित कति फेला परे, कतिजना उपचारपछि फर्किए, एम्बुलेन्स कहाँ कति छन् रु भन्ने कुरा जानकारी लिन सकिनेछ।  
यसअघि मानवीयरूपमा विवरण सङ्कलन गर्ने गरिएकामा अब भने सीधै प्रविधिको प्रयोग गरी एकै पटक उक्त वेबसाइटबाट हेर्न सकिनेछ। प्रदेश र जिल्ला तहको अवस्था के कस्तो छ रु भनेर समेत त्यहीँबाट जानकारी लिन सकिनेछ। जोखिम कुन ठाउँमा बढी छ भन्ने कुरासमेत हेर्न सकिने प्राधिकरणका प्रमुख कार्यकारी अधिकृत पोखरेलले जानकारी दिनुभयाे।
उहाँका अनुसार वेबसाइट पूर्ण सञ्चालनमा आउँदासम्म वडा तहदेखिकै विवरण राखिनेछ। स्वास्थ्य तथा जनसंख्या मन्त्रालयमा विवरण अपडेट हुनेबित्तिकै स्वचालितरूपमा उक्त वेबमा पनि विवरण अपडेट हुने गरी प्रविधिको प्रयोग गरिएको छ।

क्वारेन्टाइन अनुगमनका लागि ‘कोबडी’ एप
मन्त्रालयले क्वारेन्टाइनमा बसेका व्यक्तिको अनुगमनका लागि कोबडी
(cobuddy) एप्स पनि आजदेखि प्रयोगमा ल्याएको छ। यसअघि क्वारेन्टाइनबाट मानिस भागिरहेका अवस्थामा उक्त एप्सले त्यसको निगरानी गर्नेछ।

क्वारेन्टाइनमा बसेका मानिस छाडेर अन्यत्र जाँदा अनुहार पहिचान गर्ने प्रविधिको सहयोगले तुरून्तै प्रहरी वा स्थानीय निकायलाई खबर पुग्छ। आपत‍्कालीन अवस्थामा फोन नचल्दा पनि एपमार्फत् सहयोग लिन सकिनेछ। आफूलाई ज्वरो आयो या कुनै समस्या भयो भने एप्सबाटै सन्देश पठाउन सकिनेछ ।
उक्त एप्स जसले पनि प्रयोग गर्न सक्दैन। राज्यको निकायले जो–जो क्वारेन्टाइनमा बस्नुपर्छ भनेर तोकेको हुन्छ, ती व्यक्तिका लागि एप्स प्रयोग गरिन्छ। त्यसलाई एक्टिभेट गर्न विशेष कोड हुन्छ। आजदेखि काठमाडौ‌ं, भक्तपुरमा, बाग्लुङ्, कञ्चनपुर र कैलालीबाट उक्त एप्स प्रयोग गरिँदैछ।  
एप्स प्रयोगमा आएपछि मानिस क्वारेन्टाइनबाट निस्कनेबित्तिकै सम्बन्धित कार्यालयमा सूचना प्राप्त हुने भएकाले तत्कालै एक्सनमा जान सकिने छ।  एपबाट व्यक्तिको अनुहार स्क्यानिङ गरेपछि प्रवेशको अनुमति मिल्नेछ। मास क्वारेन्टाइनमा उक्त एप्स प्रयोग गर्दा अझै प्रभावकारी हुनेछ।
क्वारेन्टाइनमा बसेका मानिस छाडेर अन्यत्र जाँदा अनुहार पहिचान गर्ने प्रविधिको सहयोगले तुरून्तै प्रहरी वा स्थानीय निकायलाई खबर पुग्छ। आपत‍्कालीन अवस्थामा फोन नचल्दा पनि एपमार्फत् सहयोग लिन सकिनेछ। आफूलाई ज्वरो आयो या कुनै समस्या भयो भने एप्सबाटै सन्देश पठाउन सकिनेछ। यसले स्थलमार्ग वा हवाईमार्गबाट आएका व्यक्तिलाई क्वारेन्टाइनमा राख्न पनि सहयोग गर्नेछ।
उक्त एकीकृत सूचना प्रणाली ‘आफ्नो नेपाल’ नामक संस्थाको नेतृत्वमा स्मार्ट टेलिकम र प्रो–एमर इन्टरनेशनलको आर्थिक तथा प्राविधिक सहयोगमा निर्माण गरी नेपाल सरकारलाई निःशुल्क सहयोग गरिएको हो। कोबडी एप्समा विशेष कोड नम्बर हालेपछि फ्रन्ट क्यामरा खोलेरभित्र प्रवेश गर्न सकिने आफ्नो नेपालका अध्यक्ष समीर पन्थीले जानकारी दिनुभयाे।
उक्त संस्थाले यसअघि माइती नेपाललाई सहयोग गर्ने गरी उपत्यकामा ‘माइती क्याफे’ सञ्चालन गर्दै आएको छ। संस्थाले हराएका महिला खोजीका लागि ‘खोजी एप’ सञ्चालनमा छ। उक्त एकीकृत सूचना प्रणाली नेपालमा भित्र्याउन १० जना प्राविधिकले काम गरेका थिए।

– नारायण ढुङ्गाना/रासस

 

 

प्रकाशित मिति: सोमबार चैत २४, २०७६/Monday 04-06-2020

तपाईको प्रतिक्रिया

सम्बन्धित खबर

सबै