देशभरमै ७७ वर्षयताकै सबैभन्दा धेरै वर्षा कञ्चनपुरको दोधारामा सारथी खबर नेपालमा वर्षा मापन हुन थालेयता सबैभन्दा धेरै वर्षा कञ्चनपुरको दोधारामा रेकर्ड भएको छ। जल तथा मौसम विज्ञान विभागका अनुसार यो स्टेसनमा पछिल्लो २४ घन्टा (सोमबार बिहानसम्म)मा ६२४ मिलिमिटर वर्षा रेकर्ड भएको छ, जुन नेपालमा वर्षा मापन थालेयताकै सबैभन्दा धेरै हो। स्वचालित रहेको यो स्टेसन २४ फेब्रुअरी २०२४ मा मात्र स्थापना भएकाले यस क्षेत्रमा यसअघि कतिसम्म वर्षा भएको थियो भनेर तथ्यांक छैन। तर, मौसमविद्हरूले भने दोधारा क्षेत्रमा परेको वर्षा नै नेपालका लागि सबैभन्दा धेरै रहेको बताएका छन्। दोधारानजिकै रहेको महेन्द्रनगरको सबैभन्दा धेरै वर्षा ५ अक्टुबर २००९ मा (३०९.५ मिलिमिटर) हो। ‘यसअघि मकवानपुरको वर्षा नै सबैभन्दा धेरै थियो, कञ्चनपुरमा त्योभन्दा पनि बढी पानी परेको छ,’ जल तथा मौसम विज्ञान विभागका वरिष्ठ मौसमविद् सुमन रेग्मीले भने। यसअघि १३ अगस्ट २०१७ मा मकवानपुरमा ५१६.२ मिलिमिटर वर्षा मापन भएको थियो। मकवानपुरपछि सबैभन्दा धेरै वर्षा रेकर्ड १५ अगस्ट २०१४ मा कैलालीको चिसापानीमा (४९९.८ मिलिमिटर) रेकर्ड भएको थियो। आइतबार कञ्चनपुरकै हनुमाननगर र सुन्दरपुरमा पनि भीषण वर्षा भएको छ। मौसम पूर्वानुमान महाशाखाले गत शुक्रबारदेखि आइतबारसम्म पश्चिमकेन्द्रित भीषण वर्षाको आकलन गरेअनुसार नै यसपटक पानी परेको थियो। आइतबार नेपाल–भारत सीमा क्षेत्र (उत्तरप्रदेश र कञ्चनपुर)मा शक्तिशाली न्यूनचापीय क्षेत्र विकसित हुँदा एक्कासि निकै ठूलो पानी परेको हो। ‘दोधारा क्षेत्रमै न्यूनचापीय क्षेत्र बनेको थियो, यसले निकै ठूलो पानी परेको हो,’ मौसमविद् सञ्जीव अधिकारीले भने, ‘यो प्रणालीले जलवाष्पयुक्त हावा सोहोरेर ल्यायो, एकै ठाउँमा निकै ठूलो पानी प¥यो।’ तर, न्यूनचापीय क्षेत्रको असर क्रमशः घट्दै जाने उनले बताए। यस क्षेत्रमा क्लाउड ब्रस्टको आकलनसमेत गरिएको छ। तर, जल तथा मौसम विज्ञान विभाग र मौसम पूर्वानुमान महाशाखाका मौसमविद्ले पुष्टि गरिसकेका छैनन्। ‘क्लाउड ब्रस्ट वा अन्य कारणहरू पनि हुन सक्छन्, तर यसबारे हामी अध्ययनकै क्रममा छौँ,’ मौसमविद् अधिकारीले भने। नेपालमा १७९ वटा वर्षा मापन केन्द्र मानव सञ्चालित छन् भने स्वचालित स्टेसन १२२ वटा छन्। नयाँ पत्रिकाबाट प्रकाशित मिति: सोमबार असार २५, २०८१/Monday 07-08-2024 तपाईको प्रतिक्रिया सम्बन्धित खबर सबै प्रदेश गौरब : खलंगा–खार सडक खण्ड अवरुद्ध सुदूरपश्चिममा आज ‘ठूली गौरा’ मनाइँदै दार्चुलाको तिंकरमा दुई महिनाभित्र अध्यागमन कार्यालय स्थापना गर्दैछौं : गृहमन्त्री लेखक मुख्यमन्त्री शाहलाई विश्वासको मत दिन एमालेको ह्वीप दार्चुलामा डेंगुु सङ्क्रमित बढे सुदूरपश्चिम प्रदेशका मुख्यमन्त्री शाहले विश्वासको मत लिने पढ्नै पर्ने लोकप्रिय के हो मालिकार्जुन दार्चुला सेवा समिति ? राष्ट्रपति भण्डारीको भ्रमणको उपलक्ष्यमा गाउँपालिकाद्धारा स्थानीय विदा बैतडीको खोचलेकमा अटो दुर्घटना हुदा चार जना घाइते, अटो चालक साउद प्रहरी नियन्त्रणमा शुभकामना आदानप्रदानसंगै कार्यकर्ता भेटघाटमा एमाले दार्चुलाको नाैगाडमा एक जना पुरुष मृत भेटिए छविलाल जोशी कास्की अदालतमा उपस्थित रवि समर्थकको पोखराको मानव अधिकार चोकमा प्रदर्शन